ഇന്നുമാമഞ്ഞിന്‍ തണു-
പ്പാസ്വദിച്ചിരിപ്പോരെ
ഒന്നു കാണുക വന്നീ
തെരുവോര വാഴ്വിനെ
കമ്പളം പുതച്ചു കാല്‍ -
തീ കായാന്‍ വയ്ക്കേ ഒരു
കമ്പോളക്കോലായിലെ
കണ്ണുനീരറിയുമോ ??
പട്ടുമെത്തയില്‍ ചായും
പാണ്ഡിത്യ പ്രതാപമേ
പട്ടടയ്ക്കോരെ ചായും
പശി നീയറിയുമോ ?
അക്ഷരമൊപ്പിച്ചെടു -
ത്താനന്ദമാസ്വദിയ്ക്കും
സാക്ഷരരുണ്ടോ കണ്ടു
കരിങ്കല്‍ക്കണ്ണീരിനെ ?
ഏതൊരു മന : ശാസ്ത്രം
ആരാമം തീര്‍പ്പതിവര്‍ -
ക്കേതൊരു സതാംഗതി
ഇവരെ മോദിപ്പിക്കും ?
കേവലം മഷി ചൊല്ലും
ജല്‍പ്പനങ്ങളെക്കേട്ടു
സേവനം കടലാസ്സില്‍
പിശുക്കാതെഴുതുവോര്‍ !!
നിങ്ങളും ഞാനുമൊരു
തോണിയില്‍ തുഴയുമ്പോള്‍
അങ്ങു താഴ്വതു കാണു
നീന്തുവാന്‍ പഠിക്കാത്തോര്‍ !!
എങ്കിലുമവര്‍ക്കായി
ചില മാവുകള്‍ മാത്രം
കാലമില്ലാതെ പൂക്കുന്നു
കായ്ക്കുന്നു കനി നല്‍കുന്നു !!!
ഇന്നതിന്‍ താഴെ തണല്‍
തിന്നുവാന്‍ നടക്കാതെ
ചെന്നു കൈ കൊടുക്ക നാം
താങ്ങുവാന്‍ താഴുന്നോരെ ....!!!!
No comments:
Post a Comment