ദേവന്‍റെ മൌലിയില്‍ ചേരുവാനിന്നിതാ
ദേഹമെടുത്തു ഞാന്‍ പൂത്തു നില്‍പ്പു
ചന്ദമെഴുന്നുള്ള ചന്ദ്രികാ പുഞ്ചിരി
ചെഞ്ചെമ്മേ രാത്രിയില്‍ ചേര്‍ത്തു വെച്ചു
താരുടലോക്കെയും തൂവെള്ളയാക്കി ഞാന്‍
പൊന്നും പുലരിയെ കാത്തു നിന്നു
തേനായ തേനൊക്കെ തെണ്ടുന്ന വണ്ടുകള്‍
തണ്ടലര്‍ കണ്ടിട്ടു മണ്ടി വന്നു
എന്നിലെ തേനൊക്കെ തേവര്‍ക്കു നേദിക്കാന്‍
ഉള്ളതാണിമ്മലര്‍ തീണ്ടരുതേ
നീ വാസനിച്ചാല്‍ ഞാന്‍ എങ്ങനെ അര്‍പ്പിപ്പൂ
എന്നെയാ തേവര്‍ തന്‍ പൊന്‍ തിടമ്പില്‍
ദൂരത്തു പോകൂ നീ നോട്ടത്തില്‍ പോലുമീ
ദൈവത്തിന്‍ പൂവിനെ കാംക്ഷിക്കാതെ
അമ്പല പൊയ്കയില്‍ ആമ്പലായ് പൂത്തു ഞാന്‍
ആമ്നായം കേട്ടുകേട്ടാനന്ദിപ്പാന്‍
ഷാരോടി കൈയ്യുകള്‍ മാടിവിളിക്കുന്നു
പോകട്ടെ ഞാന്‍ എന്‍റെ പുണ്യം ചേരാന്‍ ..........
No comments:
Post a Comment