Sunday, 17 June 2012

പെണ്ണിന്‍റെ പൊരുള്‍


"പ്രകൃതി നീ ഒരു സ്ത്രീ....
 പ്രാപഞ്ചികമാകു നീ
നിന്‍റെ തൃപ്പാദങ്ങള്‍
തഴുകി ഒഴുകട്ടെ ഗംഗ
പാദ പാംസു തീര്‍ഥങ്ങള്‍ ശിരസ്സില്‍ തളിക്കട്ടെ
 പരിപാവനമാകട്ടെ നര ജന്മം....
കാണായ കണ്ണുകളില്‍ ഒക്കെയും നിന്‍റെ
 കരളിന്‍റെ കാരുണ്യ തീര്‍ത്ഥം തളിക്കാന്‍
കനിവാര്‍ന്നു നല്കിയ വാത്സല്യമല്ലേ
മാറില്‍ തുളുമ്പുന്ന പാലാഴികള്‍......
 എത്രയോ സീതമാര്‍ പിന്നിട്ട
വഴിയിലൂടിനിയും നടക്കണം
ഘോര രാവണന്മാരുടെ ശിരസ്സുകളറക്കണം ....
ലോകം കാക്കണം തലമുറകള്‍ കാക്കണം
വാവിട്ടു കരയുന്ന വയറുകള്‍ നിറയ്ക്കണം
അറിവുകള്‍ പകരണം നിറവായ്‌ അറിയണം
 നിങ്ങളും ഞങ്ങളും നമ്മളായ്‌ മാറുവാന്‍
നമ്മുടെ മനസ്സുകളില്‍ നന്മകള്‍ നിറയ്ക്കണം ...
 ഇവളാണ് പെണ്ണ് ഇവളാണ് കണ്ണ്
 ഇവളാണ് നാളെയുടെ നല്ല പേര്
 മാറ്റുരച്ചു നോക്കുക ഇവളാം സ്ത്രീയെ
 ഇവള്‍ തേഞ്ഞു പോകില്ല
  ഇവള്‍ മാഞ്ഞു പോകില്ല
 ഭാവിയുടെ പെണ്ണ് ഭാരത കണ്ണ് .........."

No comments:

Post a Comment