Friday 7 September 2012

പാട്ടിമുത്തി

അല്ലല്ലെന്തിനു നോക്കുന്നിതു  വൃഥാ 
തെല്ലുമില്ലാ പ്രകാശം ചുഴലവും 
പല്ലു പോയൊരാ പാട്ടിമുത്തിയ്ക്കൊരു 
വില്ലു പോലെ വളഞ്ഞ വടി തുണ 

പൌഡറിട്ട പ്രസൂനം നിനപ്പുള്ളില്‍ 
പ്രൌഡിയോടെ നടക്കുമാ ശ്രീമതി 
കാതു തൂങ്ങുന്നു കമ്മല്‍ കനക്കയാല്‍ 
വാതു വെച്ച പ്രതീതി കണക്കിനെ 

വെറ്റിലക്കറ  ഇംഗ്ലീഷ് കൊഞ്ചുന്നു 
ചുറ്റിലും ജനം വായ പൊളിക്കുന്നു 
പട്ടടയ്ക്കെടുക്കാറായിതെങ്കിലും 
പട്ടു ചേലയേ ചുറ്റൂ നതാംഗിയാള്‍ 

കണ്ണുമുന്നില്‍ തപസ്സു ചെയ്യുന്നൊരാ 
കണ്ണടയ്ക്കും തിമിരം ഭവിച്ചു പോല്‍ 
എങ്കിലും കുറവില്ലെന്‍റെ ജാനകി 
നിങ്കലുള്ലോരാ പൂര്‍വകാല  പക 

മാറു തൂങ്ങും ഉറികളെപോല്‍ അവ
പാറുമാസാരിത്തുമ്പാല്‍ മറയ്ക്കയും 
കൈവളകള്‍ കിലുങ്ങുന്നോരോച്ചയാല്‍ 
പൈക്കളെ തൊഴുത്തില്‍ കേറ്റുമാസ്സതി 

കണ്ണന്‍ കാശയച്ചില്ലേടി നാണിയേ 
പെണ്ണു പെറ്റാല്‍ ഞാന്‍ പെട്ടുപോയില്ലെടി 
കാര്‍ത്തു , രാത്രിയില്‍ നീ കിടന്നീടടി 
കാത്തുകൊള്ളണേ കൃഷ്ണന്‍ തിരുവടി 

നന്മകളുടെ വിത്തു പാകുന്നൊരു 
പൊന്മകള്‍ വിളയാടുന്ന സത്രം 
ഇത്തരമൊരു ഗ്രാമീണ ചിത്രം 
എത്ര കാലമുണ്ടാമെന്നു മാത്രം !!!!!!

2 comments:

  1. മനോഹരമായ അവതരണം.............ആശംസകള്‍.......... ...............
    ഇനിയും മികച്ചതിനു പ്രതീക്ഷ നല്‍കിയിരിക്കുന്നു............

    ReplyDelete
  2. മാറു തൂങ്ങും ഉറികളെപോല്‍ അവ
    പാറുമാസാരിത്തുമ്പാല്‍ മറയ്ക്കയും
    കൈവളകള്‍ കിലുങ്ങുന്നോരോച്ചയാല്‍
    പൈക്കളെ തൊഴുത്തില്‍ കേറ്റുമാസ്സതി

    ReplyDelete